സംസ്ഥാനത്ത് അടുത്ത മൂന്ന് മണിക്കൂറില് നാല് ജില്ലകളില് യെല്ലോ അലേര്ട്ട്. തിരുവനന്തപുരം, കൊല്ലം, ആലപ്പുഴ, എറണാകുളം ജില്ലകളില് ഒറ്റപ്പെട്ടയിടങ്ങില് മിതമായ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നല്കുന്നു. പത്തനംതിട്ട, കോട്ടയം, ഇടുക്കി, തൃശൂര് ജില്ലകളില് നേരിയ മഴയ്ക്കും സാധ്യതയുണ്ട്.
ഇന്ന് തെക്ക്-കിഴക്കന് ബംഗാള് ഉള്ക്കടലില് മണിക്കൂറില് 40 മുതല് 45 കിലോമീറ്റര് വരെയും മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത. മേല്പ്പറഞ്ഞ തിയതിയിലും പ്രദേശത്തും മത്സ്യബന്ധനത്തിന് പോകുവാന് പാടുള്ളതല്ലെന്നും മുന്നറിയിപ്പ് നല്കുന്നു.
തെക്കന് കേരളത്തില് കഴിഞ്ഞ ദിവസം രാത്രി ഒറ്റപ്പെട്ടയിടങ്ങളില് മഴ ലഭിച്ചിരുന്നു. ഇന്നലെ ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചിരുന്നു. പത്തനംതിട്ട ഇടുക്കി മലപ്പുറം ജില്ലകളിലായിരുന്നു യെല്ലോ അലേര്ട്ട് പ്രഖ്യാപിച്ചിരുന്നത്.
