ഒസാമ ബിന്‍ ലാദനെ കൊലപ്പെടുത്തിയെന്ന് അവകാശപ്പെട്ട യു.എസ് മുന്‍ നാവിക സേനാംഗം ടെക്‌സാസില്‍ അറസ്റ്റിലായി. പൊതു സ്ഥലത്ത് മദ്യപിച്ച് ബഹളമുണ്ടാക്കുകയും ദേഹോപദ്രവമേല്‍പ്പിക്കുകയും ചെയ്തതിനാണ് റോബര്‍ട്ട് ജെ ഒ’നീലിനെ അറസ്റ്റ് ചെയ്തത്.
ഫ്രിസ്‌കോയില്‍ വെച്ചാണ് ഇയാള്‍ അറസ്റ്റിലായത്. ഉദ്യോഗസ്ഥനെ 3500 ഡോളര്‍ ബോണ്ടിന്റെ ഉറപ്പിലാണ് വിട്ടയച്ചതെന്ന് ന്യൂയോര്‍ക്ക് പോസ്റ്റ് റിപ്പോര്‍ട്ട് ചെയ്തു. എന്നാല്‍ അറസ്റ്റ് സംബന്ധിച്ച് കൂടുതല്‍ വിവരങ്ങള്‍ പുറത്ത് വിടാന്‍ പൊലീസ് വിസമ്മതിച്ചു.
2011ല്‍ ഓപറേഷന്‍ നെപ്റ്റിയൂണിന്റെ ഭാഗമായി ബിന്‍ ലാദനെ താന്‍ ആണ് കൊലപ്പെടുത്തിയത് എന്ന് 2013ല്‍ നീല്‍ വെളിപ്പെടുത്തിയിരുന്നു. ഒരു മാധ്യമത്തോടാണ് വെളിപ്പെടുത്തല്‍. എന്നാല്‍ അമേരിക്ക ഇതുവരെയും ഈ വാര്‍ത്ത സ്ഥിരീകരിക്കുകയോ നിഷേധിക്കുകയോ ചെയ്തിട്ടില്ല.
