രാഷ്ട്രപതിയുടെ പൊലീസ് മെഡലുകള്‍ പ്രഖ്യാപിച്ചു. 954 പേര്‍ക്കാണ് പൊലീസ് മെഡലിന് അര്‍ഹരായത്. 125 പേര്‍ക്ക് മാവോയിസ്റ്റ് മേഖലയിലെ പ്രവര്‍ത്തനത്തിനാണ് മെഡല്‍ ലഭിച്ചിരിക്കുന്നത്. വിശിഷ്ട സേവനത്തിന് മെഡല്‍ ലഭിച്ചവരില്‍ മലയാളിയായ ആര്‍ മഹേഷും ഉണ്ട്. പൊലീസ് സൂപ്രണ്ട് ആണ് മഹേഷ്.
കേരളത്തില്‍ നിന്ന് ഒന്‍പത് പേര്‍ക്കാണ് മെഡല്‍ ലഭിച്ചിരിക്കുന്നത്. സോണി ഉമ്മന്‍ കോശി, ആര്‍ സന്തോഷ്, ജിആര്‍ അജീഷ്, ആര്‍ ജയശങ്കര്‍, എസ് ശ്രീകുമാര്‍, എന്‍ ഗണേഷ് കുമാര്‍, പി കെ സത്യന്‍, എന്‍ എസ് രാജഗോപാല്‍, എം ബൈജു പൗലോസ് എന്നിവരാണ് സുസ്ത്യര്‍ഹ സേവനത്തിനുള്ള മെഡല്‍ ലഭിച്ച മലയാളികള്‍.
