പ്രതികൂല കാലാവസ്ഥയെ തുടർന്ന് ഏറ്റവും പുതിയ ദിലീപ് ചിത്രമായ ‘വോയിസ് ഓഫ് സത്യനാഥന്റെ’ റിലീസ് തീയതി മാറ്റി. വരും ദിവസങ്ങളിൽ മഴ കനക്കും എന്ന റിപ്പോർട്ടിന്റെ അടിസ്ഥാനത്തിലാണ് റിലീസ് മാറ്റിയത്. ജൂലൈ 14 നായിരുന്നു ചിത്രം തീയേറ്ററുകളിലെത്തേണ്ടിയിരുന്നത്. എന്നാൽ പുതുക്കിയ തീയ്യതി പ്രകാരം ജൂലൈ 28 നായിരിക്കും ചിത്രം പുറത്തിറങ്ങുക.
ഒട്ടേറെ ഹിറ്റ് ചിത്രങ്ങളൊരുക്കിയ റാഫി-ദിലീപ് കൂട്ടുകെട്ടിലൊരുങ്ങിയ ചിത്രമാണ് ‘വോയിസ് ഓഫ് സത്യനാഥൻ.’ തീർത്തും കുടുംബ പ്രേക്ഷകർക്കായിയൊരുക്കിയ നർമ്മം നിറഞ്ഞ ചിത്രമാണിത്. അത്കൊണ്ട് തന്നെ പ്രതികൂല കാലാവസ്ഥ കാരണം കുടുംബപ്രേക്ഷകർ തീയറ്ററുകളിലെത്താത്തതിരിക്കുന്ന സാഹചചര്യം മുൻകൂട്ടി കണ്ടാണ് റിലീസ് മാറ്റിയത്.
ഇതിനോടകം തന്നെ ഖത്തർ, യുഎഇ ഉൾപ്പടെയുള്ള രാജ്യങ്ങളിൽ സിനിമയുമായി ബന്ധപ്പെട്ട പ്രമോഷനുകൾ പൂർത്തിയായിരുന്നു. പ്രമോഷനുകളിൽ പങ്കെടുത്ത ദിലീപിന് വൻ സ്വീകാര്യതയാണ് ലഭ്യമായത്. തിയേറ്ററുകളിൽ കുടുംബമായി ആസ്വദിക്കാനാകുന്ന ചിത്രമാണ് ‘വോയിസ് ഓഫ് സത്യനാഥൻ’ എന്ന് ദിലീപ് പ്രൊമോഷൻ വേദികളിൽ വ്യക്തമാക്കുകയും ചെയ്തു.
