വാഹനാപകടത്തില് മരിച്ച നടന് കൊല്ലം സുധിയുടെ കുടുംബം അനാഥമാകില്ലെന്ന് മന്ത്രി വി.എന് വാസവന്. സുധിയുടെ കുടുംബത്തിന് വീട് നിര്മിച്ചു നല്കുന്നതുള്പ്പെടെയുള്ള സഹായങ്ങള് ചെയ്യുമെന്നും സി.പി.ഐ.എം തയ്യാറാണെന്നും മന്ത്രി പറഞ്ഞു.
സിപിഐഎം ജില്ലാ നേതാക്കള്ക്കൊപ്പം സുധിയുടെ വീട് സന്ദര്ശിച്ച ശേഷം മാധ്യമങ്ങളെ കണ്ട് സംസാരിക്കുകയായിരുന്നു മന്ത്രി.
കഴിഞ്ഞ ദിവസം വൈകുന്നേരമാണ് ജില്ലാ നേതാക്കള്ക്കൊപ്പം മന്ത്രി വി.എന് വാസവന് കൊല്ലം സുധിയുടെ വീട്ടില് എത്തിയത്. അരമണിക്കൂറോളം ചെലവഴിച്ച മന്ത്രി കുടുംബത്തിന്റെ നിലവിലെ സാഹചര്യത്തെക്കുറിച്ചും അന്വേഷിച്ചു. വീട് വെക്കാന് തയ്യാറാണെന്ന് മന്ത്രി സുധിയുടെ ഭാര്യയെ അറിയിച്ചു.
‘പറക്കമുറ്റാത്ത കുഞ്ഞുള്പ്പെടെ രണ്ട് കുട്ടികളും വയോധികരായ അച്ഛനും അമ്മയും ഒപ്പം കിടപ്പാടം ഇല്ലാത്ത അവസ്ഥയാണെന്നും മനസിലാക്കി. വീടില്ലെങ്കില് വീട് വെച്ചുകൊടുക്കുന്ന കാര്യം അവരോട് സംസാരിച്ചു. ഏതെല്ലാം തരത്തിലുള്ള സഹായം ആവശ്യമുണ്ടോ അതൊക്കെ ചെയ്യാന് തയ്യാറാണെന്ന് അവരെ അറിയിച്ചിട്ടുണ്ട്,’മന്ത്രി പറഞ്ഞു.
വിദേശ പര്യടനം കഴിഞ്ഞ് മന്ത്രി എത്തുമ്പോള് സാസ്കാരിക വകുപ്പിനോട് കൂടി ആലോചിച്ച് കുടുംബത്തെ എങ്ങനെ സഹായിക്കാം ഉറപ്പ് വരുത്തുമെന്നും മന്ത്രി പറഞ്ഞു. കോഴിക്കോട് വടകരയിലെ പരിപാടി കഴിഞ്ഞ് മടങ്ങുമ്പോള് വഴിയില് വെച്ചായിരുന്നു അപകടം ഉണ്ടായത്. കൂടെ ഉണ്ടായിരുന്ന ബിനു അടിമാലി, മഹേഷ് കുഞ്ഞുമോന് എന്നീ താരങ്ങള് പരിക്കേറ്റ് ആശുപത്രിയിലാണ്.
