ഗുസ്തി താരങ്ങളുടെ സമമരത്തില്‍ നിന്ന് പിന്നോട്ട് നിന്നിട്ടിലെന്ന് സാക്ഷീ മാലിക്ക്. ജോലിയില്‍ തിരികെ കയറിയതിന് പിന്നാലെ ദേശീയ മാധ്യമങ്ങളില്‍ വന്ന വാര്‍ത്തകളോട് പ്രതികരിക്കുകയായിരുന്നു അവര്‍. ട്വിറ്ററിലൂടെയാണ് സമരത്തില്‍ നിന്ന് പിന്മാറിയില്ലെന്ന് സാക്ഷീ മാലിക്ക് പറഞ്ഞത്.
ഈ വാര്‍ത്ത പൂര്‍ണമായും തെറ്റാണ്. നീതിക്ക് വേണ്ടിയുള്ള പോരാട്ടത്തില്‍ ഞങ്ങളില്‍ ആരും പിറകോട്ടില്ല. സമരത്തിനൊപ്പം ഞാന്‍ എന്റെ ഉത്തരവാദിത്തം നിറവേറ്റുകയാണ് ജോലിയില്‍ തിരികെ പ്രവേശിക്കുന്നതിലൂടെ. നീതി നടപ്പാകുന്നത് വരെ പോരാട്ടം തുടരും. ദയവായി വ്യാജവാര്‍ത്ത പ്രചരിപ്പിക്കരുത്,’ സാക്ഷീ മാലിക്ക് പറഞ്ഞ്.
ये खबर बिलकुल ग़लत है। इंसाफ़ की लड़ाई में ना हम में से कोई पीछे हटा है, ना हटेगा। सत्याग्रह के साथ साथ रेलवे में अपनी ज़िम्मेदारी को साथ निभा रही हूँ। इंसाफ़ मिलने तक हमारी लड़ाई जारी है। कृपया कोई ग़लत खबर ना चलाई जाए। pic.twitter.com/FWYhnqlinC
— Sakshee Malikkh (@SakshiMalik) June 5, 2023
അതേസമയം അമിത്ഷായുമായുള്ള കൂടിക്കാഴ്ച നിരാശാജനകമാണെന്ന് കൂടിക്കാഴ്ചയില്‍ പങ്കെടുത്ത ഗുസ്തി താരവും സാക്ഷീ മാലിക്കിന്റെ ഭര്‍ത്താവുമായ സത്യവൃത് കാദിയാന്‍ പറഞ്ഞു. താരങ്ങള്‍ ആഗ്രഹിച്ച പ്രതികരണമല്ല മന്ത്രിയില്‍ നിന്ന് ഉണ്ടായതെന്നും കാദിയാന്‍ പറഞ്ഞു.
അമിത് ഷായുടെ വസതിയില്‍ വെച്ച് ശനിയാഴ്ചയായിരുന്നു കൂടിക്കാഴ്ച. ഗുസ്തി താരങ്ങളുടെ ആവശ്യങ്ങള്‍ അംഗീകരിക്കാന്‍ സര്‍ക്കാരിന് അനുവദിച്ച അഞ്ച് ദിവസത്തെ സമയപരിധി കഴിഞ്ഞതിന് ശേഷമാണ് താരങ്ങള്‍ അമിത്ഷായെ വസതിയിലെത്തി കണ്ടത്. ഈ വര്‍ഷം ജനുവരി 18നാണ് ഗുസ്തി ഫെഡറേഷന്‍ അധ്യക്ഷന്‍ ബ്രിജ് ഭൂഷണനെതിരെ ലൈംഗിക ആരോപണവുമായി താരങ്ങള്‍ രംഗത്തെത്തിയത്.
