കോഴിക്കോട്: ഹൈന്ദവരോട് നന്ദി കാണിക്കാത്ത ഇടമാണ് തൃശ്ശൂരെന്ന് സംവിധായകൻ രാമസിംഹൻ അബൂബക്കർ. താൻ സംവിധാനം ചെയ്ത പുഴ മുതൽ പുഴ വരെ എന്ന സിനിമ തൃശ്ശൂരിൽ ഒരു തീയേറ്ററിൽ പോലും പ്രദർശിപ്പിച്ചിട്ടില്ലെന്നും അദ്ദേഹം പറഞ്ഞു.
‘ചില നേതാക്കളറിയാന് 1921 ലെ തലപോയ ഹൈന്ദവരോട് നന്ദി കാണിക്കാത്ത ഒരിടമേയുള്ളു തൃശൂര്. ഒരു തീയറ്ററില് പോലും തൃശ്ശൂരില് പുഴ ഒഴുകിയിട്ടില്ല.’, – രാമസിംഹൻ ഫേസ്ബുക്കിൽ കുറിച്ചു. മലബാർ കലാപത്തിൻ്റെ പശ്ചാത്തലത്തിൽ ആണ് രാമസിംഹൻ പുഴ മുതൽ പുഴ വരെ എന്ന ചിത്രം ഒരുക്കിയത്. ക്രൌഡ് ഫണ്ടിംഗിലൂടെയാണ് സിനിമയ്ക്കുള്ള നിർമ്മാണ ചിലവ് കണ്ടെത്തിയത്. 2021 ഫെബ്രുവരിയിൽ വയനാട്ടിലാണ് സിനിമയുടെ ഷൂട്ടിംഗ് ആരംഭിച്ചത്. ഏറെ വിവാദങ്ങൾക്ക് ശേഷം സെൻസറിംഗ് പൂർത്തിയാക്കി കഴിഞ്ഞ മാർച്ചിൽ ചിത്രം തീയേറ്ററുകളിലെത്തി.
