ഫാഷൻ ടിവിയുമായി സഹകരിച്ച് ദുബായിയുടെ ഹൃദയഭാഗത്ത് അത്യാഡംബര പാർപ്പിട സമുച്ഛയമൊരുക്കാൻ ഡാന്യൂബ് പ്രോപ്പർട്ടീസ്. 65 നിലകളിലായി എഴുന്നൂറിലധികം അപ്പാർട്ട്മെന്‍റുകളാണ് ഒരുങ്ങുന്നത്. ഫാഷൻ ടിവി ബ്രാൻഡ് കൂടി ചേരുന്നതോടെ ഓരോ അപ്പാർട്ട്മെന്‍റും അതിനൂതന സാങ്കേതിക വിദ്യയിലായിരിക്കും നിർമിക്കുക.
റിയൽ എസ്റ്റേറ്റ് മേഖലയിൽ ആഡംബരവും ഗ്ലാമറും എങ്ങനെ സമുന്നയിപ്പിക്കാമെന്ന് തെളിയിക്കുകയാണ് ഫാഷൻസ് എന്ന് ഡാന്യൂബ് പ്രോപ്പർട്ടീസ് ചെയർമാൻ റിസ്വാൻ സാജൻ പറഞ്ഞു. നമ്മുടെ വീടുകൾ നമ്മളാരാണെന്നതിന്‍റെയും ജീവിത നിലവാരത്തിന്‍റെയും പ്രതിഫലനമാകണമെന്നും അദ്ദേഹം അഭിപ്രായപ്പെട്ടു. ഫാഷൻസ് എന്ന പുതിയ സംരംഭം യാഥാർത്ഥ്യമാകാൻ പോകുന്നതിന്‍റെ ത്രില്ലിലാണ് താനെന്ന് ഫാഷൻ ടിവി സ്ഥാപകൻ മൈക്കിൾ ആദം പ്രതികരിച്ചു
ജുമൈറ വില്ലേജിലെ ട്രയാംഗിളിലാണ് ഫാഷൻസ് വരുന്നത്. അത്യാധുനിക ജിം, റസ്റ്ററന്‍റുകള്‍, കഫേകള്‍ കൂടാതെ സൂംബ ഡാൻസ് സ്റ്റുഡിയോ, മെഡിറ്റേഷൻ സോൺ, ട്രാംപോളിൻ പാർക്ക്, ഫാഷൻ റാംപ്, പഡൽ കോർട്ട്, ഗസീബോ, സ്കേറ്റിംഗ് റിങ്ക്, ഔട്ട്ഡോർ ചെസ്സ്, ഫാഷൻ സ്കൂൾ, ഔട്ട്ഡോർ സിനിമ, ടേബിൾ ടെന്നീസ് തുടങ്ങി ആഡംബരത്തിന്‍റെ അവസാന വാക്കാണ് ഫാഷൻസ്. ഫാഷന്‍ ടിവി സിഇഒ മാക്സ്മിലിയന്‍ ഡെന്നീസ് എഡെല്‍വീസ്,ഡാന്യൂബ് ഗ്രൂപ്പ് വൈസ് ചെയർമാൻ അനീസ് സാജൻ തുടങ്ങിയർ ദുബായിൽ നടന്ന വാർത്താ സമ്മേളനത്തിൽ പങ്കെടുത്തു
