കോഴിക്കോട്: മാസപ്പിറവി ദൃശ്യമായതായി എവിടെ നിന്നും വിവരം ലഭിക്കാത്ത സാഹചര്യത്തിൽ സംസ്ഥാനത്ത് ഏപ്രിൽ 22 ശനിയാഴ്ചയായിരിക്കും ചെറിയ പെരുന്നാളെന്ന് വിവിധ ഖാസിമാർ അറിയിച്ചു. ഇതോടെ നാളെ റമദാൻ 30 പൂർത്തിയാക്കിയാവും വിശ്വാസികൾ ഈദുൽ ഫിത്വർ ആഘോഷിക്കുക. വൈകുന്നേരത്തോടെ കാപ്പാട് കടപ്പുറത്തും കടലുണ്ടിയിലും അടക്കം വിവിധ ഖാസിമാരുടെ പ്രതിനിധികൾ ശവ്വാൽ മാസപ്പിറവി കാണാനെത്തിയിരുന്നു. എന്നാൽ 7.45 വരെ കാത്തിരുന്നിട്ടും മാസപ്പിറ കാണാതിരുന്നതോടെയാണ് ചെറിയ പെരുന്നാൾ മറ്റന്നാളായിരിക്കുമെന്ന് ഖാസിമാർ തീരുമാനിച്ചത്. അഞ്ച് വെള്ളിയാഴ്ചകൾ വന്ന റമദാൻ മാസം എന്ന പ്രത്യേകതയും ഇക്കുറിയുണ്ട്.
എല്ലാ സുഹൃത്തുകൾക്കും എഡിറ്റോറിയലിൻ്റെ ചെറിയ പെരുന്നാൾ ആശംസകൾ…
