ദുബൈ: എമിറേറ്റിലെ വില്ലകളിൽ തുടർച്ചയായി മോഷണം നടത്തിയ നാലംഗ സംഘത്തെ ദുബായ് പൊലീസ് പിടികൂടി. രണ്ട് മില്യൺ ദിർഹം വിലമതിക്കുന്ന പണവും ആഭരണങ്ങളും വാച്ചുകളും ഇവർ മോഷ്ടിച്ചതായി പോലീസ് പറഞ്ഞു. വില്ലകളുടെ ഉടമകൾ അവധിക്കാലം ആഘോഷിക്കാൻ വിദേശത്തേക്ക് പോകുന്നതിനിടെയാണ് സംഘം മോഷണം നടത്തിയത്. എടിഎമ്മിൽ നിന്ന് പണം പിൻവലിച്ച ശേഷം ബാങ്ക് ഇടപാടുകാരനെ കൊള്ളയടിക്കാൻ ശ്രമിക്കുന്നതിനിടെയാണ് ഇവർ പിടിയിലായത്.
