നിരവധി ചരിത്ര മുഹൂർത്തങ്ങൾക്കും പരിപാടികൾക്കും ആതിഥേയത്വം വഹിച്ച ദുബായിലെ ബുർജ് അൽ അറബ് ഹോട്ടൽ മറ്റൊരു റെക്കോർഡ് നേട്ടത്തിന് കൂടി സാക്ഷ്യം വഹിച്ചു. 27 അടി നീളമുള്ള ഹോട്ടലിന്റെ ഹെലിപാഡിലേക്ക് പോളിഷ് പൈലറ്റായ ലൂക്ക് ചെപിയേല റെഡ് ബുൾ വിമാനത്തിന്റെ ബുൾസെയ് ലാൻഡിംഗ് നടത്തി. 212 മീറ്ററാണ് കപ്പൽ രൂപത്തിലുള്ള ബുർജ് അൽ അറബിന്റെ ഉയരം.
39 കാരനായ ചെപിയേല മുൻ റെഡ് ബുൾ എയർ റേസ് ചലഞ്ചർ ക്ലാസ് വേൾഡ് ചാമ്പ്യൻ കൂടിയാണ്. എന്നാൽ കബ് ക്രാഫ്റ്റേഴ്സ് STOL (കാർബൺ കബ് / ഷോർട്ട് ടേക്ക് ഓഫും ലാൻഡിംഗും) 43 കിലോമീറ്റർ അല്ലെങ്കിൽ മണിക്കൂർ ലാൻഡിംഗ് വേഗതയിൽ ബുർജ് അൽ അറബിൽ വിമാനം ലാൻഡ് ചെയ്യാൻ 27 മീറ്റർ നീളമുള്ള ചെറിയ ഹെലിപാഡ് മാത്രമേ അദ്ദേഹത്തിന് മുൻപിൽ ഉണ്ടായിരുന്നുള്ളൂ. ഇവിടെ വിമാനമിറാക്കാൻ ചെപിയേലയ്ക്ക് രണ്ട് ഫ്ലൈബൈ ലാപ്പുകൾ വേണ്ടിവന്നു. എന്നാൽ മൂന്നാമത്തെ ശ്രമത്തിൽ അദ്ദേഹം വിമാനം വിജയകരമായി ലാൻഡ് ചെയ്തു.
അതേസമയം പോളണ്ട്, യുഎസ്, ദുബായ് എന്നിവിടങ്ങളിൽ ഗ്രൗണ്ട് ലെവലിൽ 650 ടെസ്റ്റ് ലാൻഡിംഗുകൾ അദ്ദേഹം പൂർത്തിയാക്കിയിട്ടുണ്ട്. എയർബസ് എ 320 ക്യാപ്റ്റനായ ചെപിയേല 2021 മുതൽ ഈ ചരിത്ര നിമിഷത്തിനായി തയ്യാറെടുക്കുകയായിരുന്നു. സാധാരണ ഒരു റൺവേയെ സമീപിക്കുമ്പോൾ എത്ര ഉയരത്തിലാണെന്ന് എളുപ്പത്തിൽ കാണാനും സമീപന പാത നിയന്ത്രിക്കാനും സാധിക്കും. എന്നാൽ ബുർജ് അൽ അറബിൽ നിലം 212 മീറ്റർ താഴെയായിരുന്നു. കൂടാതെ ഹെലിപാഡ് വിമാനത്തിന്റെ മൂക്കിന് മുകളിൽ നിന്നും കാണാൻ സാധിക്കുന്നുമുണ്ടായിരുന്നില്ല. അത് ചുറ്റളവ് കുറച്ചു. അവസാനം ലാൻഡിംഗിനായി പരിശീലനത്തെയും അവബോധത്തെയും ആശ്രയിക്കേണ്ടിവന്നു എന്ന് ചെപിയേല പറഞ്ഞു.
An interview with Polish pilot Luke Czepiela (@lc_aerobatics) who has made history with his incredible "Bullseye Landing" of a plane on the iconic Burj Al Arab helipad. pic.twitter.com/ujrWBdBZa1
— Dubai Media Office (@DXBMediaOffice) March 14, 2023
2005-ൽ ടെന്നീസിലെ ഏറ്റവും വലിയ രണ്ട് ഇതിഹാസങ്ങളായ റോജർ ഫെഡററും ആന്ദ്രെ അഗാസിയും ഹെലിപാഡിലെ ഒരു താൽക്കാലിക കോർട്ടിൽ ടെന്നീസ് മത്സരം കളിച്ചിരുന്നു. 2013-ൽ മുൻ ഫോർമുല വൺ ഡ്രൈവർ ഡേവിഡ് കൗൾത്താർഡ് റെഡ് ബുൾ റേസിംഗ് കാർ ഹെലിപാഡിലേക്ക് ഓടിക്കുകയും ചെയ്തിട്ടുണ്ട്. കൂടാതെ 2019-ൽ പ്രൊഫഷണൽ ബിഎംഎക്സ് റൈഡർ ക്രിസ് കൈൽ ഹെലികോപ്റ്ററിന്റെ അരികിൽ നിന്ന് ബൈക്ക് ഓടിച്ച് ഹെലിപാഡിൽ ഇറങ്ങിയിട്ടുമുണ്ട്. ഇവർക്കൊപ്പം ചെപിയേലയുടെ നേട്ടവും ബുർജ് അൽ അറബിന്റെ ചരിത്രത്തിലേക്ക് ഒരു അധ്യായം കൂടി എഴുതി ചേർക്കുകയാണ്.
