ദുബായിൽ ഡെലിവറി റൈഡർമാർക്കായി 3 വിശ്രമ കേന്ദ്രങ്ങൾ നിർമ്മിക്കാനൊരുങ്ങി റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ).
വിശ്രമ സ്റ്റോപ്പുകൾ വരുന്നതോടെ ദിവസവും എട്ട് മണിക്കൂറിലധികം റോഡുകളിൽ ചെലവഴിക്കുന്ന ഡെലിവറി റൈഡർമാർക്ക് ആശ്വാസമാകും.
ജബൽ അലി വില്ലേജിലെ ഫെസ്റ്റിവൽ പ്ലാസയ്ക്ക് സമീപമുള്ള ഷെയ്ഖ് സായിദ് റോഡ്, അൽ മുറാഖബത്ത് സ്ട്രീറ്റിന് അടുത്തുള്ള പോർട്ട് സയീദ് , കൂടാതെ അൽ മനാമ സ്ട്രീറ്റിന് സമീപമുള്ള റാസൽ ഖോർ ഇൻഡസ്ട്രിയൽ ഏരിയ 2 എന്നിങ്ങനെയുള്ള മൂന്ന് സുപ്രധാന സ്ഥലങ്ങളിലാണ് വിശ്രമ കേന്ദ്രങ്ങൾ ഒരുങ്ങുന്നത്.
RTA വിശ്രമകേന്ദ്രങ്ങളിൽ അറ്റകുറ്റപ്പണികൾ, ഇന്ധനം നിറയ്ക്കൽ തുടങ്ങിയ അടിസ്ഥാന സേവനങ്ങളും റസ്റ്റോറന്റുകളും അനുവദിക്കും. ആർടിഎയുടെ തീരുമാനത്തെ റൈഡർമാർ ഇരുകൈയ്യും നീട്ടിയാണ് സ്വാഗതം ചെയ്യുന്നത്.
