നേരത്തെ ടിക്കറ്റ് ബുക്ക് ചെയ്തവര്ക്ക് റീഫണ്ട് നല്കി തുടങ്ങിയിട്ടുണ്ട്. കഴിഞ്ഞ മേയ് പകുതിയോടെയാണ് മസ്കത്തിനും കണ്ണൂരിനും ഇടയില് ഇന്ഡിഗോ സര്വീസ് തുടങ്ങുന്നത്. ചൊവ്വ, വ്യാഴം, ശനി ദിവസങ്ങളിലായിരുന്നു സര്വീസുകള്. താരതമ്യേന കുറഞ്ഞ നിരക്കില് ടിക്കറ്റും ലഭ്യമായിരുന്നു. സര്വീസ് നിര്ത്തിവെക്കുന്നത് പ്രവാസികള്ക്ക് വലിയ തിരിച്ചടിയാകും. നേരത്തെ ടിക്കറ്റ് ബുക്ക് ചെയ്ത യാത്രക്കാര്ക്ക് റീ ബുക്കിങ് ചെയ്യാൻ ഇൻഡിഗോയുടെ മറ്റ് വിമാനങ്ങൾ തിരഞ്ഞെടുക്കാം. റൂട്ട് മാറ്റാൻ ഇൻഡിഗോയുടെ മറ്റ് നെറ്റ്വർക്ക് പോയിന്റുകൾ തിരഞ്ഞെടുക്കാം. അല്ലെങ്കിൽ വിമാന ടിക്കറ്റിന്റെ മുഴുവൻ തുകയും തിരികെ ആവശ്യപ്പെടാനുമാകും. സര്വീസ് നിര്ത്തിവെക്കുന്നത് താല്ക്കാലികമാണെന്നും സ്ഥിതിഗതികള് നിരീക്ഷിച്ച് യാത്രക്കാരുടെ എണ്ണം വര്ധിച്ചാല് സര്വീസ് ഇനിയും തുടങ്ങിയേക്കുമെന്നുമാണ് ഇന്ഡിഗോ അറിയിച്ചത്.
മലയാളി പ്രവാസികൾക്ക് തിരിച്ചടി: കേരളത്തിലേക്കുള്ള ഒരു സർവ്വീസ് താത്കാലികമായി നിർത്തി ഇൻഡിഗോ
Leave a Comment
