കാനഡയിൽ ഇന്ത്യൻ വംശജനായ 18 കാരൻ കുത്തേറ്റു മരിച്ചു. മെഹക്പ്രീത് സേഥി എന്ന യുവാവാണ് കൊല്ലപ്പെട്ടത്. കാനഡയിലെ ബ്രിട്ടീഷ് കൊളംബിയ പ്രവിശ്യയിലെ ഹൈസ്കൂൾ പാർക്കിംഗ് ഗ്രൗണ്ടിലായിരുന്നു സംഘർഷം. സംഘർഷത്തിനിടെ മറ്റൊരു കൗമാരക്കാരൻ സേഥിയെ കുത്തുകയായിരുന്നുവെന്ന് പൊലീസ് അറിയിച്ചു.
ചൊവ്വാഴ്ച സ്കൂൾ പാർക്കിംഗ് സ്ഥലത്ത് യുവാക്കൾ തമ്മിൽ വഴക്കുണ്ടാക്കിയിരുന്നു. എന്നാൽ കൊല്ലപ്പെട്ടത് സ്കൂൾ വിദ്യാർത്ഥിയല്ലെന്ന് സ്കൂൾ പ്രിൻസിപ്പൽ സ്ഥിരീകരിച്ചു. സേഥിക്കും പ്രതിക്കും പരസ്പരം അറിയാമായിരുന്നെന്നും കൊലപാതകം ഒരു ഒറ്റപ്പെട്ട സംഭവമായി കണക്കാക്കുകയാണെന്നും പൊലീസ് പറഞ്ഞു. 17 കാരനായ പ്രതിയെ അറസ്റ്റ് ചെയ്തിട്ടുണ്ട്.
