ദുബായ്: യുഎഇയിലെ ദുബായിലെയും ഷാർജയിലെയും അൽ ഫർദാൻ എക്സ്ചേഞ്ച് ഓഫീസുകളിൽ ഓണം ആഘോഷിച്ചു. അൽ ഫർദാൻ എക്സേഞ്ചിലെ വിവിധ സാമൂഹ്യ പശ്ചാത്തലത്തിൽ നിന്നുള്ള ജീവനക്കാർ ഒത്തുചേർന്നുള്ള ഓണാഘോഷം സ്ഥാപനത്തിൻ്റെ ഐക്യത്തിനും പരസ്പരവിശ്വാസത്തിനുള്ള ഉദാഹരണം കൂടിയായി മാറി. പ്രശസ്ത മലയാള സിനിമാതാരം അനു സിത്താര ചടങ്ങിലെ മുഖ്യാതിഥിയായി പങ്കെടുത്തു. ജീവനക്കാരോടൊപ്പം ഓണം ആഘോഷിച്ച അവർ, ഈ ഉത്സവത്തിന്റെ സാംസ്കാരിക പ്രാധാന്യത്തെക്കുറിച്ച് സംസാരിച്ചു.
പരമ്പരാഗത നിലവിളക്ക് തെളിയിച്ചുകൊണ്ടാണ് ആഘോഷങ്ങൾക്ക് തുടക്കമായത്. തുടർന്ന് പഴയകാലത്തെ ഓണത്തിന്റെ മധുരമുള്ള ഓർമ്മകൾ പരസ്പരം പങ്കുവെച്ച്, ഓണത്തിന്റെ സ്നേഹവും സന്തോഷവും ഒരുമയും നിറഞ്ഞ നിമിഷങ്ങൾ പങ്കിട്ടു. അൽ ഫർദാൻ എക്സ്ചേഞ്ച് സിഇഒ ഹസൻ ഫർദാൻ അൽ ഫർദാൻ പറഞ്ഞു: “ഒരുമയുടെയും ഐക്യത്തിന്റെയും സന്ദേശം നൽകുന്ന ഓണം ആഘോഷിക്കുന്നതിൽ ഞങ്ങൾക്ക് ഏറെ സന്തോഷവും അഭിമാനവുമുണ്ട്. യുഎഇയുടെ സാംസ്കാരികവും സാമ്പത്തികവുമായ വളർച്ചയിൽ കേരള സമൂഹത്തിന് വളരെ പ്രധാനപ്പെട്ട പങ്കുണ്ട്. വർഷങ്ങളായി ഞങ്ങളുടെ വിശ്വസ്തരായ ഉപഭോക്താക്കളായും ഞങ്ങളുടെ ജീവനക്കാരുടെ ഒരു പ്രധാന ഭാഗമായും അവർ ഞങ്ങളോടൊപ്പമുണ്ട്. അവരുടെ വിശ്വാസത്തെ ഞങ്ങൾ ഏറെ വിലമതിക്കുന്നു. വിവിധ സംസ്കാരങ്ങളെ അംഗീകരിക്കുകയും പിന്തുണയ്ക്കുകയും ചെയ്യുന്ന ഒരു സ്ഥാപനമെന്ന നിലയിൽ, ഓണം പോലുള്ള പ്രധാനപ്പെട്ട ആഘോഷങ്ങളിലൂടെ നമ്മുടെ സമൂഹത്തിന്റെ വൈവിധ്യവും ഐക്യവും ആഘോഷിക്കുന്നതിൽ ഞങ്ങൾ എന്നും പ്രതിജ്ഞാബദ്ധരാണ്.”
മുഖ്യാതിഥിയായ അനു സിത്താര ജീവനക്കാരോടൊപ്പം സമയം ചെലവഴിക്കുകയും ഓണത്തെക്കുറിച്ചുള്ള തന്റെ അനുഭവങ്ങളും പങ്കുവെക്കുകയും ചെയ്തു. “എനിക്ക് ഓണം എന്നും വളരെ പ്രത്യേകതയുള്ള ഒരു ആഘോഷമാണ്. നമ്മൾ എവിടെയായിരുന്നാലും, നമ്മുടെ വേരുകളിലേക്കും പാരമ്പര്യങ്ങളിലേക്കും നമ്മളെ കൂടുതൽ അടുപ്പിക്കുന്ന ഒരു പ്രത്യേകത ഓണത്തിനുണ്ട്. ഈ വർഷത്തെ ഓണം അൽ ഫർദാൻ എക്സ്ചേഞ്ച് കുടുംബത്തിനും യുഎഇയിലെ മലയാളി സമൂഹത്തിനുമൊപ്പം ആഘോഷിക്കാൻ കഴിഞ്ഞതിൽ എനിക്ക് വളരെ സന്തോഷമുണ്ട്. കേരളത്തിൽ നിന്നുള്ള ആളുകളുടെ സമ്പന്നമായ സംസ്കാരത്തെയും അവർ നൽകുന്ന സംഭാവനകളെയും സ്ഥാപനങ്ങൾ അംഗീകരിക്കുകയും ആഘോഷിക്കുകയും ചെയ്യുന്നത് കാണുന്നത് ഏറെ സന്തോഷകരമാണ്.”
യുഎഇയിൽ കഴിയുന്ന മലയാളി സമൂഹത്തെ സംബന്ധിച്ചിടത്തോളം, ഓണം പാരമ്പര്യങ്ങൾ ആഘോഷിക്കുന്നതിനൊപ്പം സുഹൃത്തുക്കളോടും സഹപ്രവർത്തകരോടും കുടുംബാംഗങ്ങളെപ്പോലെ ചേർന്ന് പുതിയ ഓർമ്മകൾ സൃഷ്ടിക്കുന്നതിനുമുള്ള അവസരം കൂടിയാണ്. ഇത്തരത്തിലുള്ള ആഘോഷങ്ങളിലൂടെ വിവിധ പശ്ചാത്തലങ്ങളിൽ നിന്നുള്ള ജീവനക്കാർക്ക് തങ്ങൾ വിലമതിക്കപ്പെടുന്നവരാണെന്നും എല്ലാവരോടും ചേർന്ന് നിൽക്കുന്നവരാണെന്നും അനുഭവപ്പെടുന്ന ഒരു സൗഹൃദപരമായ തൊഴിൽ അന്തരീക്ഷം അൽ ഫർദാൻ എക്സ്ചേഞ്ച് തുടർന്നും ഒരുക്കുന്നു. കേരള സമൂഹവുമായി വർഷങ്ങളായി നിലനിൽക്കുന്ന വിശ്വാസത്തിന്റെയും പരസ്പര മൂല്യങ്ങളുടെയും ബന്ധവും ഇതിലൂടെ കൂടുതൽ ശക്തമാകുന്നു.
ഓണാഘോഷങ്ങളുടെ ഭാഗമായി, 2026 സെപ്റ്റംബർ 30 വരെ നടക്കുന്ന അൽ ഫർദാൻ എക്സ്ചേഞ്ചിന്റെ സമ്മർ ബൊണാൻസ ക്യാമ്പയിനും ഉപഭോക്താക്കൾക്കായി അവതരിപ്പിച്ചു. നാട്ടിലുള്ള പ്രിയപ്പെട്ടവരിലേക്ക് പണം അയയ്ക്കുന്ന ഉപഭോക്താക്കൾക്ക് ആകർഷകമായ സമ്മാനങ്ങൾ നേടാനുള്ള അവസരവും ഈ ക്യാമ്പയിൻ ഒരുക്കുന്നു. നാട്ടിലുള്ള പ്രിയപ്പെട്ടവർക്കായി പണം അയയ്ക്കുന്ന ഉപഭോക്താക്കൾക്ക് ഈ ക്യാമ്പയിനിലൂടെ ആകർഷകമായ സമ്മാനങ്ങൾ നേടാനുള്ള അവസരമുണ്ട്. ഉപഭോക്താക്കൾക്ക് കൂടുതൽ സന്തോഷകരവും പ്രതിഫലമുള്ളതുമായ പണമിടപാട് അനുഭവം നൽകാനുള്ള കമ്പനിയുടെ പ്രതിബദ്ധതയാണ് ഈ ക്യാമ്പയിൻ പ്രതിഫലിപ്പിക്കുന്നത്
1954-ൽ വേരുകളുറപ്പിച്ച അൽ ഫർദാൻ ഗ്രൂപ്പിന്റെ ഭാഗമാണ് അൽ ഫർദാൻ എക്സ്ചേഞ്ച്. കടൽയാത്രയിലും മുത്തുവ്യാപാരത്തിലും ആരംഭിച്ച പാരമ്പര്യത്തിൽ നിന്ന് വാണിജ്യരംഗത്തേക്ക് വളർന്ന അൽ ഫർദാൻ എന്ന പേര് സുരക്ഷ, വിശ്വാസ്യത, വിശ്വാസം എന്നിവയിൽ അധിഷ്ഠിതമായ ശക്തമായ പാരമ്പര്യത്തെ പ്രതിനിധീകരിക്കുന്നു. റിയൽ എസ്റ്റേറ്റ്, ഹൈ-എൻഡ് ജ്വല്ലറി, സാമ്പത്തിക സേവനങ്ങൾ തുടങ്ങി വിവിധ മേഖലകളിലെ ഗ്രൂപ്പിന്റെ വിജയകരമായ പ്രവർത്തനങ്ങളും വൈവിധ്യമാർന്ന ബിസിനസ് താൽപര്യങ്ങളും പ്രയോജനപ്പെടുത്തി, വിശ്വാസ്യതയും മുൻനിർത്തി അൽ ഫർദാൻ എക്സ്ചേഞ്ച് ആഗോളതലത്തിൽ തങ്ങളുടെ സാന്നിധ്യം ശക്തിപ്പെടുത്തുന്നു.
1971-ൽ സ്ഥാപിതമായ അൽ ഫർദാൻ എക്സ്ചേഞ്ച്, യുഎഇയുടെ വളർച്ചയിൽ നിർണായക പങ്കുവഹിച്ച വിവിധ സമൂഹങ്ങളെ പിന്തുണയ്ക്കാനും, യുഎഇയിലും സ്വന്തം
രാജ്യങ്ങളിലുമുള്ള അവരുടെ സ്വപ്നങ്ങൾ സാക്ഷാത്കരിക്കാൻ സഹായിക്കാനും കഴിഞ്ഞതിൽ അഭിമാനിക്കുന്നു. ഇന്ന്, യുഎഇയിലെ എല്ലാ എമിറേറ്റുകളിലുമായി 100-ലധികം ശാഖകളുടെ ശക്തമായ ശൃംഖലയും, പണമിടപാടുകൾക്കും പേയ്മെന്റുകൾക്കുമായി അത്യാധുനിക ആപ്പും ഉപയോഗിച്ച്യുഎഇയിലെ വൈവിധ്യമാർന്ന സമൂഹത്തിന് അൽ ഫർദാൻ എക്സ്ചേഞ്ച് സേവനം നൽകുന്നു. 150-ലധികം ആഗോള കറസ്പോണ്ടന്റ് ബാങ്കുകൾ, ധനകാര്യ സ്ഥാപനങ്ങൾ, മറ്റ് സാമ്പത്തിക സേവന ദാതാക്കൾ എന്നിവരുമായി ശക്തമായ ബന്ധങ്ങളുടെ പിന്തുണയോടെ, സുരക്ഷിതവും വിശ്വസനീയവുമായ സാമ്പത്തിക സേവനങ്ങൾ അൽ ഫർദാൻ എക്സ്ചേഞ്ച് ഉറപ്പാക്കുന്നു. വിശ്വാസവും ഉപഭോക്തൃ ആത്മവിശ്വാസവും അതിന്റെ പ്രവർത്തനങ്ങളുടെ കേന്ദ്രബിന്ദുവായി തുടരുന്നു. അൽ ഫർദാൻ എക്സ്ചേഞ്ചിനെക്കുറിച്ച് കൂടുതൽ അറിയാൻ alfardanexchange.com
